AZE ENG
Facebook
Twitter Google Myspace
III BEYNƏLXALQ TƏRƏKƏMƏ ÇƏRŞƏNBƏSİ FOLKLOR FESTİVALI
17-3-2018

Həqiqət Musayev adına Gəgəli kənd ümumi orta məktəbi Tərəkəmə Folkloru Araşdırma və Təbliğat qrupu 

və 

MİRAS Mədəni İrsin Öyrənilməsinə Kömək İctimai Birliyi


Təşkilati dəstək:

Azərbaycan Respublikası Mədəniyyət və Turizm Nazirliyi 

İsmayıllı Regional Mədəniyyət və Turizm İdarəsi 

Ağsu rayonu İcra Hakimiyyəti

AMEA Folklor İnstitutu

AzGranata MMC

Allprint MMC


III BEYNƏLXALQ TƏRƏKƏMƏ ÇƏRŞƏNBƏSİ FOLKLOR FESTİVALI

PRESS-RELİZ və PROQRAM

19-21 mart 2018

Gəgəli-Ağsu, Azərbaycan  

 

Türk dünyasının tarixi obalarından biri Axtaçı obasıdır. Başqırd əsilli Türkiyə tarixçisi Əhməd Zəki Vəlidi Toğan bu adı oğuzlarla əlaqələndirir. Mənbələrdə “Axtaçı” adına ilk dəfə Çingiz xanla əlaqədar hadisələrdə rast gəlinir. Sonralar türk-monqol dövlətlərinin və hakim tayfaların başında məhz axtaçıların durduğu və onun ilkin mənasından ayrılaraq sərkərdə, tayfa başçısı kimi işlədildiyi orta əsr müsəlman tarixçisi Fəzlullah Rəşidəddinin “Cəmi-ət-Təvarix” əsərində görünür. Maraqlıdır ki, Sultan Əlaəddin Keyqubad “Axtaçı” ünvanı almış, Ərtoğrul Qazi axtaçı akıncılarına başçılıq etmişdir. Lakin axtaçılar tədricən obalar şəklində fəaliyyət göstərmiş, indiyə qədər monqol qarışığı müsəlman türk obaları kimi gəlmişlər. Yarımköçəri, tərəkəmə həyat tərzi keçirən axtaçılar Azərbaycan, Türkiyə, İran, Özbəkistan, Qırğızıstan, Əfqanıstan, Ukrayna kimi dövlətlərin ərazisinə yayılmışlar. Həmin dövlətlərin türk toplumunun inkişafı və millətlərin formalaşmasında iştirak etmişlər.

Azərbaycanda tarixi Şirvan bölgəsinin iri obalarından biri olmasına rəğmən Axtaçı obası haqqında az yazılmış, etnoqraf və folklorşünasların tədqiqatlarından kənarda qalmışdır. Axtaçı obasının əsasını təşkil etdiyi kəndlərimizdən biri Ağsu rayonunun ən böyük kəndi Gəgəli kəndidir. Əhalisi tarixən qışlaq, yaylaq və yazlaq torpaqlarında maldarlıqla məşğul olmuş bu əski tərəkəmə obasının bəzi folklor nümunələri özünəməxsusluq təşkil edir. Axır çərşənbədə oturma hadisəsi və insanlarla yanaşı heyvanların da çərşənbə tonqalından keçirilməsi adətinin təhlili bu obanın timsalında əski türklərdə axır çərşənbə mərasiminin necə önəmə malik olduğunu görməyə imkan verir.

MİRAS Mədəni İrsin Öyrənilməsinə Kömək İctimai Birliyi Ağsu rayonunun Gəgəli kəndində hər il olduğu kimi axır çərşənbə günlərində III Beynəlxalq Tərəkəmə Çərşənbəsi Folklor Festivalını keçirməyi planlaşdırır. Azərbaycan Respublikası Təhsil Nazirliyi Ağsu rayonu Həqiqət Musayev adına Gəgəli kənd ümumi orta məktəbinin nəzdində yeni yaradılmış Tərəkəmə folkloru araşdırma və təbliğat qrupu festivala təşkilati dəstək göstərir. 

Festival 2 gecə 3 gün ərzində baş tutur. Festival çərçivəsində müxtəlif folklor qruplarının mədəni proqramlarında iştirak etmək, sərgi-yarmarkaya qoşulmaq, oturma gecələrini və axır çərşənbə tonqallarını izləmək, Ağsu turuna qatılmaq mümkündür. Kənd sakinləri ilə təmasda olmaq, kənd mətbəxini dadmaq, qurşaq atmaq, kənddən maraqlı fotolar çəkmək, folklor araşdırması aparmaq və s. mümkün olur. Festivalda öz baharla bağlı adət-ənənlərini təbliğ və təqdim etmək istəyən müxtəlif ölkələrin folklor qrupları, mədəniyyət ocaqları və turizm şirkətləri iştirak etmək üçün dəvət olunur.

19-21 mart 2018-ci il tarixində Ağsu rayonu Gəgəli kəndində keçiriləcək III Folklor Festivalının proqramını Sizə göndərir, festivalda iştirakınızı gəgəlilər və folklorsevərlər ürəkdən arzulayır. Göstərəcəyiniz diqqət və dəstəyə görə bir daha öncədən minnətdarlıq edirik.

 

PROQRAM

 

19 mart 2018-ci il 

 

11.00-13.00 Qeydiyyat

11.00-13.00 Həqiqət Musayev adına Gəgəli kənd ümumi orta məktəbinin şagirdləri üçün ustad dərsləri:

AMEA-nın müxbir üzvü Vəli Əliyev

Prof.Dr. Kübra Əliyeva

Prof.Dr. Minəxanım Nuriyeva-Təkləli

 

13.00-14.00 Nahar fasiləsi

13.00-14.00 Səyyar sərgilərə baxış

 

14.00-15.00 Açılış, salamlama nitqləri

Ağsu rayonu İcra hakimiyyətinin başçısı Ənvər Seyidəliyev

Azərbaycan Respublikası Mədəniyyət və Turizm Nazirliyinin sektor müdiri - Rəşad Əliyev

AMEA Folklor İnstitutunun şöbə müdiri - Afaq Ramazanova

Türkiyə Cümhuriyyəti Qars Univeristeti Kültür İdarəsinin müdiri - Çetin Adıgüzel

Rusiya Federasiyası Dərbənd Azərbaycan Dövlət Dram Teatrının direktoru - Firdousi Əskərov

Gürcüstan “Dostlar üçün Gürcüstan” Asossiasiyasının prezidenti - Tamara Basilaşvili

İran Qadınlar Dəf folklor qrupunun rəhbəri - Şəhla Nəzəri Əfşar

15.00-18.00 Bədii hissə:

Həqiqət Musayev adına Gəgəli kənd ümumi orta məktəbinin nəzdində Gəgəli Tərəkəmə Folkloru Araşdırma və Təbliğat qrupu (qrupun rəhbəri Sabit Abdullayev)

Ağsu Xançoban folklor ansamblı - (ansamblın rəhbəri Pərviz Osmanov)

Rusiya Federasiyası Dərbənd Azərbaycan Dövlət Dram Teatrı - (teatrın direktoru Firdousi Əskərov)

MİRAS Musiqi qrupu - (qrupun rəhbəri Ruslan Adgözəlov)

"İncilər" milli geyimlərin nümayişi dəfiləsi (qrupun rəhbəri memar, modelyer-dizayner Laləndər Novruzova)

Türkiyə Cümhuriyyəti Qars Univeristeti Kültür İdarəsinin müdiri - Çetin Adıgüzel

Gürcüstan Respublikası Sameba ansamblı - (ansamblın rəhbəri Giorgi Sukhishvili)

İsmayıllı rayonu Lahıc Folklor Qrupu

İran Qadınlar Dəf folklor qrupunun rəhbəri Şəhla Nəzəri Əfşar

Ağsunun Bico kəndi (Aşıq Amil)

16.30-17.00 Çay fasiləsi

19.00 Axşam yeməyi və evlərdə yerləşmək

 

20 mart 2018-ci il

 

09.00-10.00 Səhər yeməyi

10.00-11.00 AzGranata MMC ilə tanışlıq

11.30-12.30 Orta əsr Ağsu şəhərində ekskursiya

12.30-13.30 Kompleksdə nahar

14.00-17.00 Bədii hissə:

Həqiqət Musayev adına Gəgəli kənd ümumi orta məktəbinin nəzdində Gəgəli Tərəkəmə Folkloru Araşdırma və Təbliğat qrupu (qrupun rəhbəri Sabit Abdullayev)

Ağsu Xançoban folklor ansamblı - (ansamblın rəhbəri Pərviz Osmanov)

Rusiya Federasiyası Dərbənd Azərbaycan Dövlət Dram Teatrı - (teatrın direktoru Firdousi Əskərov)

MİRAS Musiqi qrupu - (qrupun rəhbəri Ruslan Adgözəlov)

Türkiyə Cümhuriyyəti Qars Univeristeti Kültür İdarəsinin müdiri - Çetin Adıgüzel

Gürcüstan Respublikası İlori Uşaq Folklor qrupunun rəhbəri Mikheil Pukhashvili

İran Qadınlar Dəf folklor qrupunun rəhbəri Şəhla Nəzəri Əfşar

Türkiyə Cümhuriyyəti Qars şəhəri - Aşıq Bilal

 

17.00-19.00 Milli oyunlar, yarışlar

19.00-21.00 Çərşənbə tonqalından tullanma. Dağlarda şamalatma. Arzu fənərlərinin buraxılması

21.00-22.00 Oturma evlərində axşam yeməyi. Şirvan plovu

22.00-05.00 Oturma, çillə çıxarma, səhərə qədər oyaqqalma

 

21 mart 2018-ci il

 

05.00-06.00 Tərəkəmə çərşənbəsi tonqallarının qalanması, heyvanların iki od arasından keçirilməsi mərasimini izləmək

06.00-10.00 Dincəlmək, yatmaq

10.00-11.00 Səhər yeməyi

11.00 Qonaqların yola salınması

 
Oxunub : 4700