PİCASP layihəsi çərçivəsində MİRAS İctimai Birliyinin cari il üzrə Tədbirlər Planına əsasən 26 may 2023-cü il tarixində Azərbaycan Turizm və Menecment Universitetində Turizm və qonaqpərvərlik fakültəsinin Turizm bələdçiliyi və Turizm işinin təşkili ixtisasları üzrə təhsil alan 30 tələbəsi və müəllimlərinin (Sevinc Hüseynova, Tərlan Növrəsli və Murad Əlili) iştirakı ilə “Turların təşkil edilməsi” mövzusunda seminar təşkil edilmişdir. Tədbirdə ilk öncə Layihənin əməkdaşı, MİRAS İctimai Birliyinin idarə heyətinin üzvü Məleykə Hüseynova çıxış edərək layihənin məqsədləri, qarşıda duran hədəflər, layihə çərçivəsində həyata keçirilməsi planlaşdırılan tədbirlər, əldə olunacaq nəticələr və s. barədə məlumat vermişdir. Daha sonra seminarda Ginza Travel şirkətinin icraçı direktoru Aidə Məlikova turizmin anlayışı, turizm sahəsində fəaliyyət göstrən qurumlar, onların klassifikasiyası, turizm fəaliyyəti zaman həyata keçirilən funksiyalar, turların təşkili ilə bağlı əsas məsələlər, bu sahədə mövcud problemlər, onların həlli yolları, turizm fəaliyyətinin tənzimlənməsi sahəsində beynəlxalq və milli qanunvericilik və s. əhatə edən təqdimatla çıxış etmişdir.