Dekabrın 26-da Ağsu rayonunun Gəgəli kəndində "Ağsuda zəngin alban mədəni irsi - Nərgizava" kitabının təqdimatı, Gəgəli kənd Həkim Fazil Cəlilov Mədəniyyət evinin açılışı, I Tərəkəmə Çərşənbəsi Folklor Festivalı fotosərgisinin nümayişi, Gəgəli kənd Qadınlar Klubunun hazırladığı əl işlərinin yarmarkasından ibarət Gəgəlilərin yurd görüşü tədbiri keçirilib. 

MİRAS Mədəni İrsin Öyrənilməsinə Kömək İctimai Birliyinin idarə heyəti növbəti toplantısını keçirib. Toplantıda idarə heyətinin sədri Fariz Xəlilli, heyət üzvləri və Nəzarət-Təftiş Komissiyasının üzvləri də iştirak edib. Тoplantıda 2016-cı il üçün hazırlanmış iş planına daxil olmuş fəaliyyətlər müzakirə olunub və təkliflər dinlənilib. Hesabat formatlı bu toplantıda MİRAS İctimai Birliyinin 2015-ci ildə həyata keçirdiyi layihələri və tədbirləri sadalanıb. 
 

Dekabrın 18-də Ağsu rayonu Natiq Mirzəliyev adına Ağarx kənd tam orta məktəbində "Orta əsr Ağsu şəhəri arxeoloji tədqiqatları" mövzusunda seminar keçirilib. Seminarda məktəbin müəllim və şagirdləri yaxından iştirak edib. 

Dekabrın 17-də Bülbülün Memorial Muzeyi və MİRAS Mədəni İrsin Öyrənilməsinə Kömək İctimai Birliyinin təşkilatçılığı ilə "Mədəni irsin tanıdılmasında musiqi və folklor ənənələrinin rolu" mövzusunda seminar keçirilib. Seminarda Bülbülün Memorial Muzeyi, Məmməd Səid Ordubadinin Ev Muzeyi və AMEA Folklor İnstitutunun əməkdaşları, MİRAS İctimai Birliyinin üzvləri, media və ictimaiyyətin nümayəndələri iştirak etmişlər. 

Dekabrın 16-da Seyid Cəfər Pişəvəri adına Humanitar Fənlər Gimnaziyasında MİRAS Mədəni İrsin Öyrənilməsinə Kömək İctimai Birliyinin təşkilatçılığı ilə "Qarabağ və mədəni irsimiz" mövzusunda seminar keçirilib. Seminarda Gimnaziyanın müəllim heyəti və şagirdləri iştirak ediblər.

Dekabrın 11-də Azərbaycan Dövlət Mədəniyyət və İncəsənət Universitetində MİRAS Mədəni İrsin Öyrənilməsinə Kömək İctimai Birliyinin təşkilatçılığı ilə “Arxeoloji abidələrin idarə edilməsi” mövzusunda seminar keçirilib. Seminarı ADMİU-nun müəllim və tələbələri dinləyiblər.  

Noyabrın 28-də Xəzər Universitetində "Tələbələrin arxeoloji qazıntılara cəlb olunması nə vəd edir?" mövzusunda seminar keçirilib. Seminarın təşkilatçıları Xəzər Universitetinin Tarix Departamenti və MİRAS Mədəni İrsin Öyrənilməsinə Kömək İctimai Birliyidir. Seminarda Xəzər Universitetinin tələbə və müəllim heyəti, eləcə də MİRAS İctimai Birliyinin üzvləri qatılmışlar.  

Noyabrın 26-da MİRAS Mədəni İrsin Öyrənilməsinə Kömək İctimai Birliyi İdarə Heyətinin üzvləri Misir Ərəb Respublikasının Azərbaycandakı səfirliyinin nəzdindəki Misir Mədəniyyət Mərkəzinin qonağı olublar və "Azərbaycan-Misir əlaqələrində İslam tarixi və mədəniyyətinin yeri" mövzusunda müzakirələr keçirilib. 

Avropa arxeoloqlarının İstanbulda olmuş 20-ci illik toplantısında növbəti 21-ci toplantının 2015-ci ilin payızında Şotlandiyanın Qlazqo şəhərində keçirilməsi qərara alınmışdı. Toplantıya beş ay qalmış Təşkilat Komitəsindən mənə də dəvət gəldi. Bu, o demək idi ki, “Miras” İctimai Birliyinin sədri Fariz Xəlilli və YOCOCU Beynəlxalq Assosasiyasının prezidenti Andrea Macchia ilə birlikdə göndərdiyimiz məruzə toplantının proqramına daxil edilmişdir.

Qərənfilə şəhid qanı dediyimizdən az qala qərinəyə yaxın bir zaman müddəti keçməkdədir. Hərdən adama elə gəlir ki, təbiət bu gülü al-qan rəngində yaratmaqda səhv etməyib. Demək, nə vaxtsa qərənfil azadlıq rəmzinə, alp ərənlərimizin qeyrət, dəyanət simvoluna çevriləcəkmiş. Bu da bir taledir; təbiətin zərif, incə bir çiçəyinin zülmlə, zorakılıq və qəsbkarlıqla qarşılaşan taleyi...

Noyabrın 17-də Kitabevim.az kitab mağazasında türkiyəli yazar Osman Qazi Kandemirin "Qərənfil" romanının təqdimatı və imza günü keçirilib. "Qərənfil" müəllifin ilk romanı olub, Qarabağ müharibəsi illərində Azərbaycanda baş verən hadisələrdən bəhs edir. Kitab MİRAS Mədəni İrsin Öyrənilməsinə Kömək İctimai Birliyinin dəstəyi ilə "Elm və Təhsil" nəşriyyatında çap olunub.

Noyabrın 12-də Məmməd Səid Ordubadinin Xatirə Muzeyi və MİRAS Mədəni İrsin Öyrənilməsinə Kömək İctimai Birliyinin birgə təşkilatçılığı ilə Konstitusiya gününə həsr olunmuş “Mədəni İrsin İctimailəşməsi" mövzusunda seminar keçirilib.