PİCASP layihəsi çərçivəsində MİRAS Mədəni İrsin Öyrənilməsinə Kömək İctimai Birliyinin Tədbirlər Planına əsasən 13 dekabr 2024-cü il tarixində Xəzər Universitetinin “Turizm işinin təşkili ixtisası” üzrə təhsil alan tələbələrinin və müəllimlərin iştirakı ilə “Mədəni irs və biznes” mövzusunda seminar təşkil edilmişdir. Tədbirdə ilk öncə Layihənin əməkdaşı, MİRAS İctimai Birliyinin idarə heyətinin üzvü Məleykə Hüseynova çıxış edərək layihənin məqsədləri, layihə çərçivəsində həyata keçirilən tədbirlər, əldə olunacaq nəticələr və s. barədə məlumat vermişdir. Daha sonra MİRAS İctimai Birliyinin sədri, tarix üzrə fəlsəfə doktoru Fariz Xəlilli (Layihənin milli tərəfdaş qismində MİRAS İctimai Birliyi üzrə inzibati rəhbəri) müvafiq mövzuda təqdimatla çıxış etmişdir. Seminar zamanı mədəniyyət sahəsində biznes mühitinin formalaşdırılması, mədəni irs nümunələrinin təcrübəsində biznes obyektlərinin yaradılması, bu sahədə mövcud qanunvericilik, dövlət və özəl sektor əməkdaşlığı barədə geniş məlumat verilmişdir. Həmçinin bölgələrdə əhalinin məşğulluğunun artırılmasına mədəni irs biznesinin təsiri, Azərbaycanda bu sahədə mövcud problemlər, onların həlli yolları və perspektivlər, mədəni irs biznesinin vasitəsi kimi sənətkarlıq nümunələrinin istehsalı, marketinqi, təbliği və satışı ilə bağlı fikir mübadiləsi aparılmışdır.