Ağsu rayonu Yenilik kənd əsas məktəbinin müəllim və şagirdləri ilə birlikdə Ağsu orta əsr şəhər yerində açıq dərs keçilmişdir. Ağsu arxeoloji ekspedisiyasının rəis müavini Fariz Xəlilli Ağsu şəhəri ilə bağlı yazılı və sənədli mənbələr haqqında məlumat vermişdir.
Ekspedisiya üzvü Elmira Abbasova III və IV qazıntı sahələrindəki qala divarı, binalar, küçələr, şəhər meydanları, emalatxanalar, məhəllələr və s. haqqında maraqlı faktları açıq dərs iştirakçılarının nəzərinə çatdırmışdır. IV qazıntı sahəsində aparılan hal-hazırki tədqiqatlarla tanış olan müəllim və şağirdlər oradan yenicə tapılmış maddi-mədəniyyət nümunələrini və qazıntı prosesini yerindəcə gördülər.