Azərbaycan Milli Elmlər Akademiyası (AMEA) agsuexpedition.org yeni internet saytını yaradıb. Saytda Ağsu rayonunda aparılmış qazıntıların nəticələri öz əksini tapıb. Bu barədə “İnterfaks-Azərbaycan” agentliyinə ekspedisiya rəhbərinin müavini Fariz Xəlilli məlumat verib.
Ağsuda qazıntılar 3 min kvadrat metr ərazidə aparılıb və hazırda işlər başa çatmaq üzrədir. Mənbənin sözlərinə görə, saytın ingilis versiyasının təqdimatı keçirilib və Ağsu arxeoloji ekspedisiyasının fəaliyyətini əks etdirir.
Hazırda qazıntılar nəticəsində aşkarlanmış tikili və kommunikasiya şəbəkələrinin öyrənilməsi və konservasiyası üzrə işlər aparılır, tapılmış maddi-mənəvi dəyərlərin elmi cəhətdən sistemləşdirlməsi həyata keçirilir və bu ekspedisiyanın nəticələrini əks etdirən kitabın nəşri üçün hazırlıq işləri gedir.
Ağsuda qazıntılar AMEA-nın Arxeologiya və Etnoqrafiya İnstitutu və AMEA-nın Azərbaycan Milli Tarix Muzeyinin "Miras" Mədəni İrsin Öyrənilməsinə Kömək İctimai Birliyinin təşəbbüsü və maliyyə dəstəyi ilə aparılıb.