Azərbaycan Respublikasının Prezidenti yanında QHT-lərə Dövlət Dəstəyi Şurası, qhtxeber.az informasiya portalının təşkilatçılığı, Coca-Cola-nın Baş sponsorluğu ilə keçirilən QHT-lər arasında futzal turnirinin II turunun ilk günündə meydana sonuncu olaraq MİRAS» Mədəni İrsin Öyrənilməsinə Kömək İctimai Birliyinin «Miras» komandası və İqtisadi Resursların Öyrənilməsi İctimai Birliyinin «İqtisadçılar» komandası çıxdılar.
Miras ilk turda yarışa qatıla bilmədiyi üçün texniki məğlubiyyət almış, iqtisadçılar isə bpyük hesablı məğlub olmuşdular. Oyun iki bərabər komandanın bərbər səviyyəli, qarşılıqlı hücumlar şəraitində keçirilən oyunu kimi yadda qaldı. “Miras”-ın oyunçusu İntiqam Məhəmmədlinin hesabı açması komandaların oyununda dəyişiklik yaratmadı. “Miras” hücuma keçir, iqtsiadçıları onalrı əks-hücumda tutmağa çalışırdılar. İntiqam Məhəmmədlinin cərimə zərbəsi ilə vurduğu ikinci mükəmməl qol snaki iqtisadçıları ayıltdı. “İqtisadçılar”-ın davamlı hücumları oyunun sonlarına az qalmış nəticəsini verdi. Ramiz Tapdıqzadə hesab arasında fərqi bir topa endirdi. Bundan sonra isə iki dəfə qapıçı, 4 dəfə qeyri-dəqiqlik və bir dəfə qapı tiri “Miras”-ın qələbəni sona qədər qorumağa imkan verdi.