Aprelin 21-də İctimai Birliyin sədri Fariz Xəlillinin iştirakı ilə "Azərbaycanın mədəni irsi" mövzusunda ilk seminar baş tutmuşdu. Seminarların davamı olaraq mayın 5-də tanınmış filoloq, tərcüməçi Oqtay Kazımovun "Azərbaycan ədəbiyyatı" mövzusunda seminarı keçirilmişdir. Seminar zamanı iştirakçılara azərbaycanlıların folkloru və ədəbi irsi haqqında geniş məlumat verilmişdir. Seminar zamanı Oqtay Kazımov haşiyə çıxaraq ümumtürk mədəniyyəti haqqında söhbət açmış, həmçinin iştirakçılara azərbaycanlıların musiqi mədəniyyəti barəsində də çox önəmli məlumatlar vermişdir. Tələbələrə muğam və aşıq sənətindən bir neçə parçalar da dinlədilmişdir. Sonda suallar cavablandırılmışdır. Şərqşünaslıq ixtisaslarının tələbələri üçün seminar olduqca maraqlı olmuşdur. Tədbir gürcü dilində, Gürcüstan Azərbaycanlıları Konqresinin ofisində keçirilmişdir.