Noyabrın 6-da Ağsu rayonu Gəgəli kəndində 8 noyabr Zəfər günü münasibətilə Şəhidlər Xiyabanının açılış mərasimi olub. "Gəgəli kəndinin Şəhidlər Xiyabanı" kəndin girişində, tarixi "Ömər Lahıci" su arxının kənarında inşa edilib. Abidə-kompleks Gəgəli kəndinin Birinci Qarabağ müharibəsi (Sahib Mütəllimov, Həqiqət Musayev, Sərdar Hacıyev, Cəbrayıl Gərayev, Şahin Quliyev, Namik Talışov, Elçin Şirvanov, Elçin Cərullayev, Mətləb Mütəllimov) və İkinci Qarabağ müharibəsi (Kamran Quluzadə, Vüsal İbişov, Elmir Süleymanlı) şəhidlərinin mərmər lövhə üzərində əksi olan memorial daş abidədən və qarşısındakı yarım hektarlıq geniş parkdan ibarətdir. 

Oktyabrın 15-də Azərbaycan Respublikası Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin "Orta əsr Ağsu şəhəri" Dövlət Tarix-Mədəniyyət Qoruğu, “Miras” Mədəni İrsin Öyrənilməsinə Kömək İctimai Birliyi, Gürcüstan Qafqaz İrsi Tədqiqat İnstitutu, İtaliya YOCOCU Assosiasiyası və Ağsu Tədris Mərkəzinin birgə təşkilatçılığı ilə Prof.Dr. Kamil İbrahimovun əziz xatirəsinə həsr olunan “Tarixi Yerlər və Abidələr III Beynəlxalq Ağsu Simpoziumu” öz işinə başlayıb.

Çoxtərəfli tərəfdaşlıqlara əsaslanan transmilli əməkdaşlıq layihələrinin nümunəsi olaraq “Miras” Mədəni İrsin Öyrənilməsinə Kömək İctimai Birliyi Avropa Komissiyası tərəfindən maliyyələşdirilən Erasmus+ “Azərbaycan Universitetlərində Keyfiyyətə Nəzarət Mərkəzlərinin Yaradılması və İnkişafı, EQAC” adlı Ali təhsil sahəsində potensialın gücləndirilməsi (CBHE) layihəsinin benefisiarı seçilib.

"Miras" Mədəni İrsin Öyrənilməsinə Kömək İctimai Birliyinin təşəbbüsü və təşkilatçılığı ilə Ağsu rayonunun Gəgəli kəndində "Tərəkəmə qadın" sənədli filminin çəkilişlərinə başlanılıb. Mənəvi Dəyərlərin Təbliği Fondu tərəfindən dəstəklənən layihənin əsas məqsədi Azərbaycanın tərəkəmə obalarından birinin məskunlaşması nəticəsində yaranmış Gəgəli kəndində heyvandarlıqla məşğul olan Abidə Mürşüdova adlı yaşlı bir qadının həyat hekayəsini sənədli filmə çevirməkdir.

18-19 yanvar 2021-ci il tarixində Şimali Makedoniya Respublikasının Ohrid şəhərində “Ohrid-Vodiçi - 2021: Mədəni irs, ətraf mühit, elmi araşdırmalar və turizm pandemiya hadisələri zamanı" IX beynəlxalq elmi-praktiki konfrans keçirilib. Konfrans zum platformasında onlayn baş tutub. Konfrans Şimali Makedoniyanın Sosial Mədəni Antropologiya İnstitutu, Rusiyanın "Siyasi elmlər" jurnalı, ABŞ-ın "Qlobal proseslər" jurnalı və Azərbaycanın "MİRAS" Mədəni İrsin Öyrənilməsinə Kömək İctimai Birliyinin birgə təşkilatçılığı ilə həyata keçirilib.

"Miras" Mədəni İrsin Öyrənilməsinə Kömək İctimai Birliyi "Qarabağlı Pir Məhəmmədin “Mənaqibnamə”sinin nəşri" layihəsini davam etdirir. Əvvəlcə əsərin tədqiqi üçün iki nüsxə - İstanbul Millət Əlyazma Əsərlər Kitabxanası və AMEA Məhəmməd Füzuli adına Əlyazmalar İnstitutunda saxlanılan nüsxələr istifadə edilib. 

Nous, les représentants de la culture et de l'éducation de l'Azerbaïdjan, décorés des ordres honorifiques français dans différentes années, nous les avons reçus et portés avec fierté, comme symbole du pays qui avait apporté une contribution inestimable dans l'histoire de l'humanité. Nous avions grandi sur les idéaux de la littérature française, représentée par des écrivains et philosophes  comme Rousseau, Voltaire, Molière, Hugo etc., qui défendaient les idées universelles les plus respectables - honneur, égalité, paix et justice.

 

Biz - fərqli illərdə Fransanın mükafatlarına layiq görülmüş Azərbaycanın mədəniyyət xadimləri və təhsil işçiləri - bu mükafatlarla fəxr edirdik, çünki bu mükafatlar bizim üçün dünyaya bu qədər gözəllik bəxş edən bir ölkənin simvolu idi!