“The Fifth International Hamza Nigari Symposium” will be held in Guzanli settlement of Aghdam region on 17-19 May, 2022. Main purpose of the symposium is to assess the research of the Turkic and Islamic world on the perspectives of the past and present, as well as the world of thought and life of Hamza Nigari.  

 Miladdan əvvəl V-IV əsrlərdən başlayaraq əvvəlcə ölkənin iqtisadi və mədəni həyatında, daha sonra isə həm də siyasi həyatında çox mühüm rol oynayan, eramızın I əsrindən etibarən yazılı mənbələrdə adı çəkilən Qəbələ qədim Azərbaycan dövləti olan Albaniyanın ilk paytaxt şəhəri olub. Alban hökmdarlarının baş iqamətgahı orada yerləşib. I əsr müəllifi Böyük Pilininin “Təbii tarix” əsərində “Kabalaka”, II əsr müəllifi Klavdi Ptolemeyin "Coğrafiya dərsliyi” əsərində "Xabala” kimi adı çəkilən Qəbələnin adı orta əsr mənbələrində də tez-tez xatırlanıb.

2022-ci il 17-20 aprel tarixlərində "Nur Art" House qalereyasında (İçərişəhər qəsr küç. 27) Azərbaycan Dövlət Mədəniyyət və İncəsənət Universitetinin məzunu, "MİRAS"  Mədəni İrsin Öyrənilməsinə Kömək İctimai Birliyinin üzvü, "Orta əsr Ağsu şəhəri" Dövlət Tarix -Mədəniyyət Qoruğunun əməkdaşı, sənətşünas Səma Alməmmədlinin təşkilatçılığı ilə sevgi, mərhəmət, şəfqət, qoruyucu mələk mövzulu  "Sevil İncəsənət Sərgisi" keçiriləcək.

1982-ci ildə İKOMOS 18 aprel gününü "Beynəlxalq Abidələr və Tarixi Yerlər Günü" kimi təsis edib və ardınca YUNESKO-nun 22-ci Baş Konfransında qəbul edilib. Hər il bu münasibətlə İKOMOS öz üzvləri, İKOMOS-un Milli və Beynəlxalq Elmi Komitələri, İşçi Qrupları, tərəfdaşları və Günün qeyd olunmasına qoşulmaq istəyən hər kəs tərəfindən təşkil olunacaq fəaliyyətlər üçün mövzu təklif edir. İKOMOS keçən ilin “Mürəkkəb keçmişlər: Müxtəlif gələcəklər” mövzusuna əsaslanaraq 2022-ci il üçün açıq, konstruktiv və nəsillərarası dialoqlar vasitəsilə "İrs və İqlim" mövzusunu araşdırmağa çağırır.

Azərbaycan dövlət müstəqilliyini qazanandan sonra elmdə islahatların gerçəkləşdirilməsi üçün əlverişli şərait yaranmasına baxmayaraq elmin ümumi vəziyyəti təhlil edilməmiş və onun ölkənin müasir tələblərinə uyğun istiqamətləri müəyyən olunmamışdır. Bu səbəbdən də aparılan elmi tədqiqatlar respublikanın yüksəlməkdə olan inkişaf tempindən geri qalır.

Martın 9-da Ağsu rayonu Gəgəli kəndində yerləşən və Azərbaycanda mədəni irs sahəsində azsaylı ixtisaslaşmış ictimai təşkilatlardan biri olan "Miras" Mədəni İrsin Öyrənilməsinə Kömək İctimai Birliyinin Ümumi Yığıncağı keçirilib. Nizamnaməyə görə iki ildən bir birliyin yeni İdarə Heyəti formalaşır, sədr və sədr müavini seçilir. "Miras" Mədəni İrsin Öyrənilməsinə Kömək İctimai Birliyinin hazırda rəsmi olaraq 222 üzvü var. Həmin üzvlərin əksəriyyəti onlayn şəkildə təşkil olunan seçkilərdə iştirak edərək doqquz nəfərdən ibarət yeni İdarə Heyətini, o cümlədən sədri və sədr müavinini seçiblər. "Miras" Mədəni İrsin Öyrənilməsinə Kömək İctimai Birliyinin İdarə Heyətinin sədri tarix üzrə fəlsəfə doktoru Fariz Xəlilli, sədr müavini isə sənətşünaslıq üzrə fəlsəfə doktoru Günel Seyidəhmədli seçilib.

 Martın 1-də onlayn keçirilən iclasda cari 2022-ci il "Dünya Abidələrini Müşahidə" proqramı üçün fövqəladə əhəmiyyət kəsb edən, aktual problemlərlə üzləşən və "Ümumdünya Abidələr Fondu"nun yerli icmalarla tərəfdaşlığının mənalı fərq yaratmaq potensialına malik olan 25 tarixi yer seçilmişdir. Həmin tarixi yerlərin adlarını və üzləşdikləri problemləri aşağıda qeyd edirik:

 AMEA-nın  Albanşünaslıq Elmi Mərkəzinin ermənilər tərəfindən Albaniyaya məxsus mədəni irs nümunələrinin davamlı olaraq məhv edilməsi, mənsubiyyətinin saxtakarlaşdırılaraq dəyişdirilməsi istiqamətindəki antibəşəri fəaliyyətinə dair bəyanatı

Mən Şuşa şəhərinin 270 illiyi münasibətilə 2022-ci ilin "Şuşa ili" elan olunmasını alqışlayıram, təqdir edirəm. Bu il tarixçilərin üzərinə böyük məsuliyyət düşür. Şuşa şəhərinin tarix və mədəniyyətinin dünya ictimaiyyətinə akademik səviyyədə tanıtmaq imkanı yaranıb.

Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə “Miras” Mədəni İrsin Öyrənilməsinə Kömək İctimai Birliyinin “Beşinci Beynəlxalq Həmzə Nigari Simpoziumunun keçirilməsi” layihəsi 1 fevral - 31 iyul 2022-ci il tarixlərində Ağsu və Ağdam rayonları ərazisində həyata keçiriləcək.