Ağsu şəhərinin cənubunda XVIII əsrə aid edilən Xaraba şəhər adlı yerdə ilk kəşfiyyat işlərinə start verilmişdir. Kəşfiyyatın nəticələrindən asılı olaraq arxeoloji ekspedisiya son orta əsrlərə aid edilən bu şəhər xarabalığında iri miqyaslı arxeoloji qazıntılara başlamaq fikrindədir. Vaxtı ilə tarixdə Yeni Şamaxı kimi adlandırılan bu şəhər 40 ha ərazini əhatə edir. Qala şəhəri düzbucaqlı formada olmuş və hal hazırda onun xarabalıqları Ülgüc kəndi yaxınlığında yerləşir.